CM Pramod Sawant: कुंभारजुवे येथे नदीत बुडणाऱ्या तिघांना वाचवणाऱ्या अंकुरकुमार प्रसाद या चौथीत शिकणाऱ्या १० वर्षीय विद्यार्थ्याची मुख्यमंत्री डॉ. प्रमोद सावंत यांनी आज, शुक्रवारी भेट घेतली. यावेळी अंकुरकुमार याने दाखवलेल्या शौर्याबद्दल मुख्यमत्र्यांनी अंकुरकुमारला एक लाख रूपये देऊन त्याचा सन्मान केला.
मुख्यमंत्र्यांच्या दालनात झालेल्या या भेटीवेळी अंकुरकुमार याच्यासह त्याच्या सर्व कुटूंबाला मुख्यमंत्र्यांनी गौरविले.
मुख्यमंत्री डॉ. सावंत म्हणाले की, या शूर मुलाला भेटणे हे माझ्यासाठी आनंदाचे होते. अंकुरकुमार संजय प्रसाद याने नदीत बुडणाऱ्या तीन मुलांचा जीव वाचवला. त्याला एक लाख रूपयांचा धनादेश देण्यात आला आहे.
गोव्याला अंकुरकुमारचा अभिमान आहे. त्याने दाखवलेली तत्परता आणि शौर्य खरेच कौतूकास्पद आहे. त्याच्या उज्वल भविष्याकरीता माझ्या शुभेच्छा, असे मुख्यमंत्र्यांनी म्हटले आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.