वास्को येथील ज्येष्ठ समाज कार्यकर्ते अनिल रघुवीर चोडणकर यांना यंदाचा उत्कृष्ट समाज कार्यकर्ता पुरस्काराने मुख्यमंत्री डॉ. प्रमोद सावंत यांच्या हस्ते सन्मानित करण्यात आले. गोवा सरकारच्या समाजकल्याण खात्यातर्फे या वर्षी मुक्तीदिनी दिला जाणारा उत्कृष्ट समाज कार्यकर्ता पुरस्कार वास्कोतील जेष्ठ समाज कार्यकर्ते अनिल रघुवीर चोडणकर यांना प्राप्त झाला.

त्याने शिक्षकी पेशा असलेले केलेले समाज कार्य तसेच इतर क्षेत्रात त्यांनी समाजाप्रती केलेल्या कार्याची दखल घेऊन गोवा (goa) सरकारच्या समाजकल्याण खात्यातर्फे त्यांची यंदा यंदाचा उत्कृष्ट समाज कार्यकर्ता म्हणून निवड करण्यात आली. खात्यातर्फे प्रतिवर्षी गोवामुक्ती दिनी (Goa-liberation) मुख्यमंत्र्यांच्या हस्ते सदर पुरस्कार दिला जातो. त्यानुसार 19 डिसेंबर 2021रोजी गोवा मुक्ती दिनी, कँपाल परेड ग्राऊंडवर झालेल्या शासकीय कार्यक्रमात मुख्यमंत्री डॉ. प्रमोद सावंत यांच्या हस्ते अनिल चोडणकर यांना सदर पुरस्कार (Awards) प्रदान करण्यात आला. शाल श्रीफळ प्रशस्तीपत्र या पुरस्काराचे प्रतीक होते.