Goa Police: राज्‍य सरकारकडून मुख्‍यमंत्री सुवर्ण पदके जाहीर करण्यात आली आहेत. त्‍यात उत्तर गोवा पोलिस अधीक्षक निधीन वाल्सन यांच्यासह सात पोलिसांना उत्कृष्ट कामगिरीसाठी निवडण्‍यात आले आहे. गोवा मुक्‍तिदिनी, 19 डिसेंबरला मुख्यमंत्री डॉ. प्रमोद सावंत यांच्या हस्ते ही पदके प्रदान करण्यात येतील.

अग्निशमन दलाच्या तीन अधिकाऱ्यांना मुख्यमंत्री पदक आणि होमगार्ड ज्ञानेश्वर तुळस्कर आणि सिंथिया रॉड्रिग्स यांना मुख्यमंत्री गृहरक्षक पदक देऊन गौरविण्‍यात येईल. पदके जाहीर केलेल्‍या पोलिस अधिकाऱ्यांमध्‍ये उत्तर गोवा जिल्हा पोलिस अधीक्षक निधीन वाल्सन, मडगाव कोकण रेल्वेचे पोलिस उपअधीक्षक गुरुदास कदम, केपे उपविभागीय पोलिस उपअधीक्षक नीलेश राणे,

कळंगुटचे पोलिस निरीक्षक परेश नाईक, जुने गोवेचे साहाय्यक निरीक्षक नीळकंठ एकावडे, कोलवा वाहतूक विभागाचे साहाय्यक निरीक्षक जितेंद्र फळदेसाई, पणजीचे हवालदार नितीन गावकर, तसेच अग्‍निशमन उपअधिकारी शिवराम नाईक, लिडिंग फायर फायटर विष्णू गावस, फायर फायटर नितेश पागी यांना मुख्यमंत्री अग्निसेवा पदके देण्‍यात येतील.