पणजी : गोव्यात विधानसभा निवडणुकीसाठी सकाळपासूनच ठिकठिकाणी मतदारांच्या रांगा लागल्या आहेत. मतदारांमध्ये मतदानासाठी उत्साह दिसून येत आहे. मात्र काही ठिकाणी मतदानावेळी गालबोट लागल्याचीही माहिती आहे. ताळगाव मतदारसंघात मतदार आक्रमक झाल्यामुळे तणाव पाहायला मिळाला आहे. (Chaos In Taleigao during Goa Elections 2022 News Updates)

ताळगाव (Taleigao) मतदारसंघात पीडब्यूडी पोलिंग बूथवर सकाळपासूनच मतदारांनी गर्दी केली आहे. मात्र मतदानाचं काम संथगतीने चाललं असल्याने मतदार आक्रमक झाले आहेत. मतदानाला वेग नसल्याने मतदारांच्या बूथवर लांबच लांब रांगा लागल्याचं चित्र आहे. त्यामुळे मतदारांनी (Voters) आक्रमक पवित्रा घेतल्याचं चित्र आहे.

दरम्यान मतदानावेळी नावेली मतदारसंघातही तणाव पाहायला मिळाला. तृणमूल काँग्रेसच्या उमेदवाराच्या भावाने मुस्लिम बांधवांना अपमानजनक शब्द वापरल्याने काहीकाळ तणावपूर्ण वातावरण होतं. नावेलीतील हाऊसिंग बोर्ड परिसरात ही घटना घडली. गर्दी पांगवण्यासाठी पोलिसांकडून (Police) लाठीचार्ज झाल्याचीही प्राथमिक माहिती आहे.