राज्यातील तापमानात घट झाली असून, काही प्रमाणात का होईना नागरिकांना उष्म्यापासून दिलासा मिळत आहे.

येत्या काही दिवसांत कमाल तापमानात 2 ते 3 अंशांनी घट होणार असून, 14 व 15 मार्च रोजी मेघगर्जनेसह काही भागांत तुरळक पावसाची शक्यता गोवा वेधशाळेने वर्तविली आहे.

राज्यातील हवामानात आर्द्रतेचे प्रमाण वाढले असून, कोकण आणि कर्नाटक प्रांतात कमी दाबाचा पट्टा निर्माण झाला आहे. त्‍यामुळे वातावरण ढगाळ असेल.

थंडीच्या लाटेमुळे नागरिक त्रस्त झाले आहेत. वातावरणात अचानक बदल जाणवू लागल्याने काही ठिकाणी सर्दी-तापाचे रुग्ण देखील वाढत आहेत.

गोव्यात आंबा, काजू हंगामाला सुरुवात झाली असून या हंगामाकरिता वाढती उष्णता हे वातावरण पोषक मानण्यात येते. मात्र ऋतू बदलामुळे लोकांच्या आरोग्यावर विपरीत परिणाम होण्याची शक्यता देखील वर्तवण्यात येतेय.