स्वातंत्र्यदिनानिमित्त खांडोळा येथील लोकविश्वास प्रतिष्ठानच्या विशेष शाळेला तिवरे-वरगाव पंचायतीतर्फे  सरपंच जयेश नाईक यांच्या हस्ते दहा लाकडी खुर्च्या प्रदान करण्यात आल्या. यावेळी मुख्याध्यापिका शोभा गावस, माजी सैनिक प्रमोद नाईक, उपसरपंच सुमित्रा नाईक, पंच अपर्णा आमोणकर, शिल्पा वेरेकर, संजीव कुंडईकर,

यशवंत जल्मी, शोभा गावस, एकनाथ परब, सचिव - मयूर कुडाळकर, लोकविश्वास स्थानिक समिती सदस्य विजयकांत नार्वेकर, सलील आजगावकर, अरुणा सोमण, नारायण नाईक, तसेच पालक व शिक्षक उपस्थित होते.

सरपंच जयेश म्हणाले, देशहित, समाजहित लक्षात घेऊन सर्वांनी वाटचाल केली पाहिजे. पंचायतीतर्फे परिसरात विकासकामे सुरू असून स्वच्छ, सुंदर माशेल पंचक्रोशीसाठी आम्ही प्रयत्नशील आहोत. ग्रामस्थांनीही परिसर स्वच्छ ठेवण्यासाठी सहकार्य करावे. नाले, गटारात कचरा टाकू नये. माजी सैनिक प्रमोद नाईक यांच्या हस्ते ध्वजारोहणही करण्यात आले. शाळेच्या  विशेष मुलांनी रांगोळीच्या रूपाने भारत देशाची प्रतिकृती फुलांनी व दिव्यांनी सजवली होती.