सत्तरी: सरकारी शाळेत शिकवणी सुरु असताना सिलिंग फॅन तुटून विद्यार्थीनींच्या अंगावर कोसळल्याची घटना घडली आहे. यात इयत्ता चौथीच्या वर्गात शिकणारी मुलगी जखमी झाली असून, तिला उपचारासाठी रुग्णालयात दाखल करण्यात आले आहे. अलिकडेच या सरकारी शाळेची दुरुस्ती करण्यात आली होती.

मिळालेल्या माहितीनुसार, पर्ये – सत्तरी येथील सरकारी शाळेत इयत्ता चौथीच्या वर्गात शिकवणी सुरु असताना सिलिंग फॅन खाली कोसळला. फॅन तुटून खाली कोसळ्याची प्राथमिक माहिती समोर आली आहे. फॅन मुलीच्या अंगावर पडल्याने ती जखमी झाली आहे. उपचारासाठी तिला रुग्णालयात दाखल करण्यात आले आहे.

जखमी मुलीला उपचारासाठी सुरुवातीला साखली येथील रुग्णालयात दाखल करण्यात आले. त्यानंतर पुढील उपचारासाठी तिला म्हापसा येथील अझिलो रुग्णालयात हलविण्यात आले आहे. फॅन कसा आणि का तुटला याबाबत शाळा प्रशासन तपास करत आहे. दरम्यान, मुलांच्या सुरक्षेबाबत पालकांकडून प्रश्न उपस्थित केला जात आहे.

दरम्यान, पर्ये – सत्तरी येथील या सरकारी शाळेचे काही दिवसांपूर्वीचे दुरुस्तीकाम करण्यात आले होते. दुरुस्तीनंतर देखील फॅन खाली कसा कोसळला याबाबत सवाल उपस्थित केला जात आहे.