डिचोली अग्निशमन दलाच्या कार्यक्षेत्रात आज बुधवारी एकाच दिवशी पाच ठिकाणी आग लागण्याच्या घटना घडल्या. दोन ठिकाणी काजू बागायतींना आगीची झळ बसली. या घटनांमुळे लाखो रुपयांचे नुकसान झाले आहे.
दरम्‍यान, लागोपाठ घडलेल्या या आगीच्‍या घटनांमुळे अग्निशमन दलाच्या जवानांना धावपळ करावी लागली. एका ठिकाणाहून दुसऱ्या ठिकाणी त्‍यांना घाईघाईने जावे लागले.
डिचोली-साखळी रस्त्याशेजारी सर्वण परिसरात माळरानाला आग लागली. भर दुपारच्या वेळी आग लागल्याने ज्वाळा भडकल्या. आग नियंत्रणात येईपर्यंत काही काजूची झाडे होरपळली. तर, हळदणवाडी आणि पाटो-मये येथे मिळून दोन ठिकाणी आग लागली. या आगीतही काजू बागायतीला झळ बसली. गोठण-बोर्डे येथेसुद्धा काजू बागायत आगीच्‍या भक्ष्‍यस्थानी पडली.
डिचोली अग्निशमन दलाचे लीडिंग फायर फायटर राजन परब आणि उदय मांद्रेकर यांच्या नेतृत्वाखाली दलाच्या जवानांनी वेगवेगळ्या ठिकाणी मदतकार्य करून आग आटोक्यात आणली. संदीप परब (चालक),
रामदास परब, आनंद नाईक, रावजीराव राणे, विष्णू राणे, संतोष तानोडे, हर्षद सावंत, लवसिंग पिल्ले, कपिल गावस आणि रुपेश पळ या जवानांनी मदतकार्यात सहभाग घेतला. दोन लाखांहून अधिक रुपयांची मालमत्ता वाचवण्यात अग्निशमन दलाच्या जवानांना यश आले. एकाच दिवशी पाच ठिकाणी आग लागल्‍यामुळे त्‍यांची धावपळ उडाली.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.