गोवा वन विकास महामंडळाने शनिवार, 15 आणि रविवार, 16 रोजी दोन दिवसीय ‘काजू फेस्त गोवा 2023’चे आयोजन केले आहे. या काजू महोत्सवाचे आज मुख्यमंत्री प्रमोद सावंत यांच्या हस्ते दयानंद बांदोडकर मैदान कांपाल-पणजी येथे उद्धाटन करण्यात आले.

यावेळी मुख्यमंत्री सावंत यांच्यासह केंद्रीय मंत्री श्रीपाद नाईक, सभापती रमेश तवडकर, दिव्या राणे, ईडीसीचे अध्यक्ष व भाजप प्रदेशाध्यक्ष सदानंद शेट तानावडे यांच्या उपस्थित होते.

दरवर्षी साजरा होणार काजू महोत्सव

मुख्यमंत्री प्रमोद सावंत यांनी यावेळी गोव्यात दरवर्षी काजू महोत्सव साजरा केला जाईल असे जाहीर केले. काजूसाठी मिळणारे अनुदान देखील वाढवले असल्याचे यावेळी सावंत यांनी सांगितले, मागील वर्षी काजू विक्री केलेल्या शेतकऱ्यांना अनुदानाचे वाटप करावे अशी सूचना कृषी खात्याला दिल्याचे मुख्यमंत्री सावंत यांनी यावेळी स्पष्ट केले.

गोवा वन विकास महामंडळाच्या वतीने साजरा केला जाणारा काजू महोत्सव यापुढे दरवर्षी राज्य महोत्सव म्हणून साजरा केला जाईल असे मुख्यमंत्री सावंत यावेळी म्हणाले.