Goa Assembly Election: राज्यात सध्या फोडाफोडीचे राजकारण (Politics) सुरु असून, अनेक आमदारांनी (MLA) आपले पक्ष सोडले आहेत. त्यातच आता वास्कोमधील भाजपचे आमदार कार्लोस आल्मेदा (BJP's Vasco MLA Carlos Almeida) यांनी आमदारकीचा राजीनामा दिला आहे.

जवळपास सर्वच पक्ष त्याच्या संपर्कात असल्याचा अंदाज वर्तवला जात आहे. कार्लोस हे राजीनामा देणारे भाजपचे गोव्यातील (Goa BJP) दुसरे आमदार आहेत. कार्लोस आल्मेदा आता कोणतं पाऊल उचलतात याकडे सर्वांचंच लक्ष लागून राहिलं आहे.

'भाजपला मी नको आहे. त्यांनी मला बाहेर जाण्यास भाग पाडले आहे. ते म्हणतात की मी आजारी आहे आणि निवडणूक जिंकण्यास सक्षम नाही,” पुढे ते म्हणाले की त्यांनी टीएमसी नेत्यांची भेट घेतली आहे परंतु कोणत्या पक्षात सामील व्हायचे याचा निर्णय आज रात्री समर्थकांच्या मुख्य टीमशी सल्लामसलत करून घेतला जाईल.

पर्रीकरांचे निष्ठावंत त्यांच्या निधनानंतर संपत आहेत, अशी खंत त्यांनी व्यक्त केली. कार्लोस यांच्या राजीनाम्यामुळे 40 सदस्यीय गोवा विधानसभेचे संख्याबळ 33 वर पोहोचले आहे. कोर्टालिमच्या आमदार एलिना सालढान्हा यांच्यानंतर राजीनामा देणारे कार्लोस हे दुसरे भाजप आमदार आहेत.