डिचोली: कारापूर येथील वादग्रस्त मेगा निवासी प्रकल्पाविरोधात कारापूरवासीयांतर्फे सोमवारी (ता.१३) दिल्लीत एक दिवसाचे आंदोलन करण्यात येणार आहे. दिल्लीत ‘जंतर मंतर’वर होणाऱ्या या आंदोलनकडे सर्वांचे लक्ष लागून राहिले आहे.
या आंदोलनासाठी महिलांसह कारापूरमधील प्रकल्प विरोधक आंदोलक शनिवारी (ता.११) दिल्लीला रवाना झाले आहेत. मेगा निवासी प्रकल्प विरोधातील कारापूरवासीयांच्या लढ्याला सोमवारी (ता.१३) शंभर दिवस पूर्ण होत आहेत.
याकडे केंद्र सरकारचे लक्ष वेधण्यासाठी सोमवारी दिल्लीतील ‘जंतर मंतर’वर आंदोलन करण्यात येणार आहे. सामाजिक कार्यकर्ते डॉ. स्वप्नील सालेलकर यांच्या नेतृत्वाखाली कारापूरच्या महिला मिळून आंदोलनकर्त्यांचा एक गट रेल्वेमार्गे दिल्लीला रवाना झाला आहे. दिल्लीतील आंदोलनात सामाजिक कार्यकर्ते सहभागी होतील, असा कारापूरवासीयांना विश्वास आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.