म्हापसा : कांदोळी (ओर्डा) परिसरात प्राणी क्रूरतेची एक अत्यंत धक्कादायक घटना समोर आली असून, एका व्यक्तीने जिवंत अजगराला जाळून ठार मारल्याचे उघड झाले आहे. या घटनेमुळे परिसरात संताप व्यक्त केला जात आहे. कळंगुट पोलिसांनी या प्रकरणी संशयिताविरुद्ध भारतीय न्याय संहिता अंतर्गत गुन्हा दाखल केला आहे.
जिल्हा प्राणी क्रूरता प्रतिबंधक संस्थेचे क्षेत्र अधिकारी डॅरिल फिंच यांनी यासंदर्भात अधिकृत तक्रार पोलिसांत नोंदवली. तक्रारीनुसार, ३१ मार्च रोजी ओर्डा-कांदोळी येथील मेहबूब नावाच्या व्यक्तीने भारतीय रॉक पायथन (अजगर) जिवंत जाळून ठार मारल्याची गंभीर बाब समोर आली आहे.
हा अजगर वन्यजीव संरक्षण कायद्यांतर्गत संरक्षित प्रजातींमध्ये मोडतो. तक्रार प्राप्त झाल्यानंतर कळंगुट पोलिसांनी तत्काळ कारवाई करत संशयित मेहबूबविरुद्ध भारतीय न्याय संहिता २०२३ च्या कलम ३२५ अंतर्गत गुन्हा नोंदवला आहे.
या घटनेचा पुढील तपास सुरू असून, संबंधितावर कठोर कारवाई होण्याची शक्यता व्यक्त केली जात आहे. दरम्यान, प्राणीप्रेमी आणि पर्यावरण कार्यकर्त्यांनी या घटनेचा तीव्र निषेध व्यक्त करत दोषींना कडक शिक्षा देण्याची मागणी केली आहे. वन्यजीवांचे संरक्षण आणि प्राणी क्रूरतेविरोधात अधिक जागरूकता निर्माण करण्याची गरजही यानिमित्ताने अधोरेखित झाली आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.