पणजी: कॅन्सर बरा होतो या आजारावर मात करता येते. कर्करोगाच्या आजाराविषयी आपल्या मनात असलेली भीतीला आपण आत्मविश्वासाने सामोरे जाण्यास शिकतो असे गोव्याचे राज्यपाल पी.एस. श्रीधरन पिल्लई यांनी आज राय पंचायत सभागृहात राशोल, कामुर्ली, कुडतरी आणि राय येथील ग्रामपंचायतींच्या सरपंच, पंच सदस्यांशी संवाद कार्यक्रमात सांगितले.

(Goa Governor Sreedharan Pillai)

गोव्याचे राज्यपाल पी.एस. श्रीधरन पिल्लई म्हणाले राय गावाला भेट देऊन आपल्याला खूप आनंद होत आहे कारण राय आणि केरळमधील त्यांच्या मूळ गावाशी साम्य आहे . हिरवागार निसर्ग आणि शेतीप्रती आपल्या देशाची बांधिलकी दर्शविते. यावेळी आमदार आलेक्स रेजिनाल्डो लॉरेन्स , कामुर्लीचे सरपंच, बॅसिलियो फर्नांडिस, राशोलचे सरपंच जोसेफ वाझ यांचीही भाषणे झाली. डॉमनिक गावकर, मिशेल रेबेलो, एग्सीना डिसोझा, मिहीर वर्धन,अतिरिक्त जिल्हाधिकारी परेश फळदेसाई, उदय प्रभुदेसाई, परितोष फळदेसाई, निमिषा फळदेसाई आदी यावेळी उपस्थित होते. राज्यपालांनी राशोल सेमिनरी भेट दिली. सेमिनरीचे रेक्टर रेव्ह. फादर अलेक्सो मिनेझिस यांनी त्यांचे स्वागत केले.

रुग्णांना राजभवनाची मदत -

गुरुवारी 11 डायलिसिस आणि 7 कर्करोग रुग्णांना प्रत्येकी 25 हजार रुपयांची मदत देण्यात आली. पिल्लई म्हणाले राजभवनचे सुरुवातीचे लक्ष्य 71 डायलिसिस रुग्णांना आर्थिक मदत देण्याचे होते परंतु आतापर्यंत 850 हून अधिक रुग्णांना लाभ देण्यात आला आहे.आणि यापुढेही ही मदत सुरूच राहील असेही ते म्हणाले.