सहकारी कामागाराची हत्या केल्याप्रकरणी दोषी आढळलेल्या नेपाळच्या आरोपीला जन्मठेपेची शिक्षा सुनावण्यात आली होती. त्यावर आता उच्च न्यायालयाने देखील शिक्कमोर्तब केला आहे. निमा कृष्णा तामंग (रा. नेपाळ) असे या आरोपीचे नाव असून, 2019 मध्ये त्याने काणकोण येथे सहकारी रणजीत सिंह खून याचा खून केला होता.

दक्षिण गोवा सत्र न्यायालयाने जुलै 2022 मध्ये निमाला जन्मठेपेची शिक्षा आणि 50 हजार रूपयांचा दंड ठोठावला होता. आणि दंड न भरल्यास एक वर्षाचा साधारण कारावास भोगावा लागणार होता. दरम्यान, आता उच्च न्यायालयाने जन्मठेपेची शिक्षेवर शिक्कामोर्तब केला आहे.

12 फेब्रुवारी 2019 रोजी निमा याने त्याचा सहकारी कामगार रणजीत सिंह (वय 33, रा. पालमपूर, हिमाचलप्रदेश) याचा खून केला होता. निमाने रणजीतच्या डोक्यात लाकडी रिबने हल्ला करत जखमी केले होते. त्यानंतर आरोपी निमा पैसे मोबाईल घेऊन फरार झाला होता.

पाळोळे येथील बीच रेस्टॉरंटमध्ये दोघेही एकत्र काम करत होते. रणजीतचा खून केल्यानंतर तामंगने 12,000 रूपये आणि मोबाईल घेऊन फरार झाला होता. दरम्यान, त्याला अटक केल्यानंतर त्याला काणकोण प्रथमवर्ग न्यायालयात हजर करण्यात आले.

दक्षिण जिल्हा न्यायालयाने त्याच्यावर आरोप निश्चित करून, जन्मठेपेची शिक्षा सुनावली होती.