काणकोण : काणकोण पालिका भवनाचे काम निर्धारित वेळेत पूर्ण न केल्याबद्दल ‘जीसुडा’ने कंत्राटदाराला कारणे दाखवा नोटीस बजावली आहे.पालिका भवन प्रकल्पाचे काम पाटो पणजी येथील मेसर्स डी.एस.कॉन्ट्रॅक्टर्स प्रायव्हेट लिमिटेड या कंपनीने सप्टेंबर २०२१ मध्ये घेतले होते त्यानंतर नोव्हेंबर २०२२ मध्ये ‘जीसुडा’कडे या कंत्राटदाराने एक करारनामा केला.
त्यानुसार काम निर्धारित वेळेत पूर्ण न झाल्यास ‘जीसुडा’ला भरपाई देण्याची तरतूद करारात आहे. त्यानुसार ‘जीसुडा’चे सदस्य सचिव गुरूदास पिळर्णकर यांनी कंत्राटदार कंपनीला नोटिसीला उत्तर देण्यासाठी सात दिवसांची मुदत दिली आहे. २८ मार्चला ‘जीसुडा’ने कंत्राटदाराला नोटिस बजावली.
दोन मजली प्रकल्प असून सध्या तळमजल्याचे कामही झालेले नाही. काम निकृष्ट होत असल्याने नगराध्यक्ष रमाकांत गावकर व अन्य नगरसेवकांनी आक्षेप घेतला होता. त्यानंतर काही प्रमाणात बांधकामाने गती घेतली. सध्याची गती बघता भवन प्रकल्प पूर्ततेस दोन वर्षे लागतील,असे दिसत असल्याचे नगराध्यक्ष रमाकांत नाईक गावकर यांनी सांगितले.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.