Court Dainik Gomantak
गोवा

Goa Crime: कळंगुटमध्ये पर्यटकांचा हल्ला, विजेच्या खांबावर आपटले डोके; ओळख न पटविल्याने खूनप्रकरणी 15 संशयित निर्दोष

Calangute Murder: जयेश भंडारी याच्या खूनप्रकरणातील १५ संशयितांना म्हापसा अतिरिक्त सत्र न्यायालयाने पुराव्याअभावी निर्दोष ठरवले.

Sameer Panditrao

पणजी: जयेश भंडारी याच्या खूनप्रकरणातील १५ संशयितांना म्हापसा अतिरिक्त सत्र न्यायालयाने पुराव्याअभावी निर्दोष ठरवले. भंडारी याचा मृत्यू त्याच्यावर झालेल्या हल्ल्यामुळे झाल्याचे दस्तावेजात स्पष्ट होत असले तरी घटनास्थळी प्रत्यक्षदर्शींनी संशयितांची ओळख पटवली नाही. त्यामुळे सरकारी वकील खुनाचा आरोप संशयापलिकडे सिद्ध करण्यात अपयशी ठरल्याचे निरीक्षण न्यायालयाने केले आहे.

तिवाईवाडा - कळंगुट येथील एका गेस्ट हाऊसजवळ १ जानेवारी २०१८ रोजी रात्री ८ च्या सुमारास काही पर्यटक रेमी रिबेलो व त्याचा मित्र अभिलाश पाटील या दोघांना दंडुक्याने मारहाण करत होते. त्या दोघांना होत असलेली मारहाण पाहून त्यांचे मित्र राजेश बिरोडकर व राजेश भंडारी त्या पर्यटकांना जाब विचारू लागले.

यावेळी या पर्यटकांनी जयेश व राजेश या दोघांवर हल्ला चढविला. जयेश याचे डोके तेथे असलेल्या विजेच्या सिमेंट काँक्रिटच्या खांबावर आपटले, त्यामुळे त्याला गंभीर दुखापत झाली. या हल्‍ल्यात राजेश हा सुद्धा गंभीर जखमी झाला. या मारहाणीनंतर पर्यटक बसने तेथून पसार झाले. जयेश याला गोमेकॉ इस्पितळात उपचारासाठी नेले असता त्याच्यावर उपचार सुरू असताना मृत्यू झाला. त्यामुळे कळंगुट पोलिसांनी अज्ञात पर्यटकांविरुद्ध खुनाचा गुन्हा दाखल केला होता.

कळंगुट पोलिसांनी या हल्ला करणाऱ्या के. श्रीनिवास (४०), ए. दर्शन (४५), सय्यद उस्मान (५०), प्रशांत रेड्डी (४५), सय्यद बद्रुद्दिन (४०), पुरुषोत्तम रेड्डी (३५), नरसिंम्‍हा रेड्डी (४२), एस. अंजया(५२), डी. श्रीनिवास (३२), सी. कृष्णा (५२), एम. किरन (२७), बी. अंजीनेलू (३८), के. भापाळ(४५), ई. देवानंद (५२), ए. अंजनेयेलू (४८) यांना अटक करण्यात आली होती. त्यांना २ जानेवारी २०१८ रोजी अटक करण्यात आली व त्यांना १४ दिवसांच्या कोठडीनंतर जामिनावर सुटका करण्यात आली होती.

परिस्थितीजन्य पुरावा सादर

साक्षीदाराच्या अपुऱ्या पुराव्यामुळे संशयितांविरुद्धचा गुन्हा सिद्ध करण्यासाठी सादर केलेले पुरावे अपुरे आहेत. सुनावणीवेळी परिस्थितीजन्य पुरावा सादर केलेला नाही. त्यामुळे त्यांना निर्दोष ठरवण्यात येत असल्याचे न्यायालयाने निवाड्यात म्हटले आहे.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Sandpapergate Scandal: 'उस्मान ख्वाजा सर्वात मोठा गद्दार', सँडपेपरगेट प्रकरणावरुन डिव्हिलियर्सचा संताप; क्रिकेटची बदनामी केल्याचा आरोप

Goa Spice Cultivation: जायफळ, वेलची, काळी मिरीला बाजारात मागणी; गोव्यात मसाला पिकांकडे शेतकऱ्यांचा वाढता कल

Accident News: दोन महिन्यांपूर्वी घेतली कार, 100च्या स्पीडमध्ये 20 फूट हवेत उडून झाडावर आदळली… भीषण अपघातात 7 तरुणांचा मृत्यू

Mohammed Siraj Selection: मोहम्मद सिराजला प्लेइंग-11 मधून वगळण्यावरुन राजकीय वादंग! काँग्रेस नेत्याने तोडले तारे; म्हणाले, 'नावामुळे भेदभाव...' VIDEO

Under 16 Cricket: गोव्याचा पहिला डाव 97 धावांत आटोपला; कर्नाटकने पहिल्याच दिवशी 127 धावांची आघाडी घेत वर्चस्व गाजवले

SCROLL FOR NEXT