Calangute Police Special Drive for Tenant Verification: कळंगुट पोलिसांनी राबवलेल्या विशेष मोहिमेंतर्गत त्यांच्या कार्यक्षेत्रातामध्ये 300 भाडेकरू अवैधरित्या राहताना आढळून आले.

या लोकांनी अनिवार्य भाडेकरू पडताळणी फॉर्म (Tenant Verification Form) सादर केला नव्हता. त्यांनी लवकरात लवकर ही प्रक्रिया पूर्ण करण्याचे आवाहन पोलिसांनी केले आहे.

घरमालकांनी कुणालाही घर भाड्याने देण्यापूर्वी त्यांच्याकडून भाडेकरू पडताळणीची प्रक्रिया पूर्ण करून घ्यावी, यासाठी कळंगुट पोलिसांतर्फे ही मोहीम राबवण्यात आली.

प्रामुख्याने स्थलांतरित आणि आंतरराज्यीय कामगार अशा खोल्यांमध्ये वास्तव्यास येतात, आणि ते कोणतीही कायदेशीर प्रक्रिया पूर्ण करत नाहीत.

तसेच बऱ्याचदा, या परप्रांतीय भाडेकरूंचा गोव्यात घडणाऱ्या गुन्ह्यांमध्ये सहभाग असल्याचे पोलिसांच्या लक्षात आले.

त्यामुळे नागरिकांच्या सुरक्षिततेच्या दृष्टीने या सर्व उपाययोजना करण्यात येत आहेत. कळंगुट-कांदोळी परिसरात भाडेतत्वावर बेकायदेशीरपणे राहणाऱ्या स्थलांतरितांवर लक्ष ठेवण्यासाठी कळंगुटचे पोलीस निरीक्षक परेश नाईक म्हणाले. 'आम्ही घरमालकांना आणि भाडेकरूंना विनंती केली आहे की, त्यांनी पुढील 24 तासांच्या आत त्यांची भाडेकरू पडताळणी प्रक्रिया पूर्ण करावी.'

त्यात अयशस्वी झाल्यास विभागाकडून कठोर कारवाई करण्याचा इशाराही त्यांनी यावेळी दिला. या मोहिमेत पोलिसांना जवळपास 300 भाडेकरूंनी ही प्रक्रिया केली नसल्याचे आढळून आले.