कळंगुटमध्ये तीन अल्पवयीन मुलांना दुचाकी चालवल्याप्रकरणी पोलिसांनी पकडून त्यांच्या दुचाकी जप्त केल्या. यापैकी एका मुलाच्या पालकाला दहा हजारांचा दंड ठोठावण्यात आला आहे. वाहतूक कायद्याचा भंग केल्याप्रकरणी कळंगुट पोलिसांनी रविवारी केलेल्या धडक कारवाईत तीन अल्पवयीनांना ताब्यात घेतले.

त्यातील एका मुलाच्या पालकांना दहा हजार रुपये दंड ठोठावला. या तिन्ही दुचाकी कळंगुट पोलिसांच्या वाहतूक विभागाने जप्त केल्या आहेत. वाहतूक नियमांचा भंग करणाऱ्यांवर कठोर कारवाई करणार असल्याचे पोलिस निरीक्षक दत्तगुरू सावंत यांनी सांगितले.