Calangute News : कळंगुट येथील पोलिस स्थानकाजवळ उभारलेला छत्रपती शिवाजी महाराजांचा अश्वारुढ पुतळा 10 दिवसांत हटविण्यासंदर्भात आदेश कळंगुट पंचायतीने संबंधित शिवस्वराज्य-कळंगुट संस्थेला दिले आहेत.

याबाबत अधिक माहिती अशी की, कळंगुट-साळगाव या मार्गावरील कळंगुट पोलिस स्थानकाजवळ स्थानकाच्या जंक्शनवर शिवस्वराज्य कळंगुट या संस्थेकडून शिवरायांचा हा अश्वारुढ पुतळा उभारण्यात आलेला.

दरम्यान सदर पुतळा 10 दिवसांत हटविण्यासंदर्भात आदेश कळंगुट पंचायतीने संबंधित शिवस्वराज्य-कळंगुट संस्थेला दिले आहेत. पुतळा उभारण्यासाठी कुठलीही पूर्वपरवानगी घेण्यात आली नव्हती. सदर पुतळा हा बेकायदेशीर असल्याचे कळंगुट पंचायतीने जारी केले आदेशात म्हटले आहे.

सदर पुतळा दहा दिवसांत न हटविल्यास पंचायतीकडून आवश्यक कारवाई करुन तो हटविला जाईल आणि पोलिसांसमोर तक्रार दाखल केली जाणार असेही पंचायतीने म्हटले आहे.