MLA Michael Lobo on Traffic Rules violation: राज्यात वाहतुकीच्या नियमांचा भंग केला तर वाहनधारकांना दंड केला जातो. पण केवळ दंड केल्याने शिस्त लागत नाही, असे मत कळंगुटचे आमदार मायकल लोबो यांनी व्यक्त केले आहे. तसेच वाहतूक नियम भंगाची दररोज 40 प्रकरणे नोंदविण्याचे टारगेट पोलिसांना दिले गेले आहे, असेही ते म्हणाले.

आमदार लोबो म्हणाले की, ट्रॅफिक पोलिसांना दररोज किती 40 गुन्हे नोंद करण्याचे टारगेट दिले आहे. त्यामुळे वाहतुकीला शिस्त लावण्यापेक्षा पोलिस ते टारगेट पूर्ण करण्यातच व्यग्र राहतात. वाहनधारकांना अडवून त्यांच्याकडे विविध कागदपत्रांची मागणी केली जाते.

आणि एखादा कुठला दस्तऐवज नसला तर त्याला दंड केला जातो. हा उपाय नाही. तुम्हाला अपघात कसे टाळता येतील, याचे उत्तर शोधणे म्हणजे सोल्युशन.

किमान वाहतूक पोलिसांनी अपघात प्रवण क्षेत्रे निश्चित्त करावीत, स्पीड ब्रेकर रंगविलेले आहेत की नाहीत ते तपासावे, वळणे कुठे आहेत, कुठे चौक आहेत, याठिकाणी बोर्ड आहेत की नाहीत, ते तपासावे, असेही लोबो म्हणाले.