कळंगूट: जानेवारी महिन्याच्या सुरुवातीलाच कळंगुट येथून एक धक्कादायक बातमी समोर आली होती. कळंगुट येथे पुन्हा एकदा पर्यटकांना निशाणा बनवण्यात आले. ये प्लॅनेट गोवा शॅकवर मुंबईहून आलेल्या पर्यटक आणि शॅक कामगार यांच्यात शुक्रवारी (३ जानेवारी) पहाटे ३ वाजता झालेल्या वादावादीत एक पर्यटक गंभीर जखमी झाला, या प्रकरणात स्थानिक पंच सदस्यासह पाच जणांना पोलिसांनी अटक करण्यात आली होती. पोलिसांनी अटक केलेल्या सहा संशयितांना शनिवारी म्हापसा न्यायालयाने पाच दिवसांची पोलिस कोठडी सुनावली आहे.

धक्कादायक बाब म्हणजे गेल्या सप्टेंबरमध्ये याच शॅकमध्ये गुजरातच्या पोलिसाला मारहाण झाली होती. नौफाल पी. टी. (२८ केरळ), रोहित कुमार (२७), अभिषेक कुमार (२४), विनोद कुमार (३१), सुरिंदर कुमार (२८) अशा चारही हिमाचल प्रदेशमधील आरोपींना अटक करण्यात आलेल्या व्यक्तींची नावे आहेत.

दरम्यान, कळंगुटमध्ये (Calangute) गेल्या काही दिवसांत मारहाणीच्या घटनांमध्ये कमालीची वाढ झाली आहे. काही दिवसांपूर्वी, येथेच किनाऱ्यावरील 'मरीना बीच' शॅकमध्ये जेवणाच्या ऑर्डवरुन आठ जणांचा पर्यटकांचा गट आणि शॅक मालक यांच्यात झालेल्या वादातून एका पर्यटकाचा खून झाला होता. बोल्लारवि तेजा असे पीडित पर्यटकाचे नाव होते.