कळंगुट: कळंगुट -बागा येथील समुद्र किनाऱ्यावर खेळता खेळता सोबतच्या व्यक्तीचे लक्ष चुकवून खोल समुद्रात गेलेल्या व पाण्यात गटांगळ्या खाणाऱ्या झोया खान (उत्तर प्रदेश) या ६ वर्षीय बालिकेला वाचवण्याचा जीवरक्षकांनी केलेला प्रयत्न अयशस्वी ठरला.
पोलिसांनी दिलेल्या माहितीनुसार रविवारी सायंकाळी उशिरा सदर बालिका भावासोबत किनाऱ्यावर खेळत होती. तेव्हा नजर चुकवून झोया समुद्रात गेली, मात्र नंतर ती दिसेनाशी झाल्याचे लक्षात आले.
ज्या व्यक्तीसोबत ती आली होती, त्यांनी शोधाशोध केली, तेव्हा तेथील जीवरक्षकांना ती गटांगळ्या खात असल्याची दिसली. त्यांनी तिला बाहेर काढले. जीवरक्षकांनी तिला प्रथमोपचार
दिले. रुग्णवाहिकेला बोलावले. मात्र, ती वेळेत न आल्याने अत्यवस्थ स्थितीत तिला खासगी वाहनाने कांदोळी आरोग्य केंद्रात नेले. तेथील डॉक्टरांनी तिला मृत घोषित केले. घटनेची माहिती मिळताच स्थानिक तसेच कोस्टल पोलिस घटनास्थळी दाखल झाले असून या घटनेमागील चौकशी सध्या सुरू आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.