Aguada Fort : विधानसभेचे अर्थसंकल्पीय अधिवेशन 27 मार्च रोजी बोलवण्यात आले असून एक आठवडा चालणार आहे. आज झालेल्या मंत्रिमंडळत बैठकीत मान्यता देण्यात आली आहे, अशी माहिती मुख्यमंत्री डॉ.प्रमोद सावंत यांनी दिली. मंत्रिमंडळ बैठकीनंतर ते पत्रकारांशी बोलत होते.

सत्तरी तालुक्यातील चार पंचायतींना साहित्य पुनर्प्राप्ती सुविधा (एमआरएफ) यासाठी सरकारी जमीन हस्तांतरित केली आहे. त्याशिवाय सौर ऊर्जा धोरण 2017 दुरुस्ती मंजूर केली आहे. गुरे व्यवस्थापन योजने अंतर्गत आणखी दोन नवीन वाहन खरेदी करण्यास मंजुरी दिली आहे. असलेल्या निधीतून ही वाहने खरेदी केली जाईल, असे डॉ. सावंत यांनी स्पष्ट केले.

आग्वाद किल्ल्याच्या विषयात लक्ष घालणार

नूतनीकरण केलेला आग्वाद किल्ला आणि संग्रहालयात उघडण्यात आलेल्या मद्यालयावरून सध्या सरकारवर जबर टीका होत आहे. गोव्याच्या मुक्तिलढ्याशी संबंधित वास्तूत बार खुला करून स्वातंत्र्यसैनिकांचा अपमान झाल्याच्या प्रतिक्रिया व्‍यक्त होत आहेत. यासंदर्भात मुख्यमंत्र्यांना विचारले असता ‘आपण त्‍यात लक्ष घालणार आहे’ अशी त्रोटक प्रतिक्रिया त्यांनी दिली.