Salman Khan In IFFI Goa 2023: बॉलिवूड अभिनेता भाईजान सलमान खानने मंगळवारी इफ्फीच्या रेड कार्पेटवर ग्रॅन्ड एन्ट्री घेतली. गोव्यात सुरु असलेल्या आंतरराष्ट्रीय चित्रपट महोत्सवाचा आज दुसरा दिवस असून, सायंकाळी साडे पाचच्या सुमारास सलमान रेड कार्पेटवर दाखल झाला.

सलमानच्या भाचीचा फर्रे हा चित्रपट इफ्फीत प्रदर्शित केला जाणार आहे. इंडियन पॅनोरमामध्ये समाविष्ट 25 फीचर आणि 20 नॉन-फिचर फिल्म्सची घोषणा करण्यात आली आहे.

या महोत्सवात सलमान खानची भाची अलिजेह अग्निहोत्रीचा पहिला चित्रपट 'फर्रे' प्रदर्शित केला जाणार आहे.

राष्ट्रीय पुरस्कार विजेते दिग्दर्शक सौमेंद्र पाधी यांनी या चित्रपटाचे दिग्दर्शन केले असून, अभिषेक यादव आणि पाधी यांनी चित्रपटाचे लिखाण केले आहे.

या चित्रपटात सलमानची भाची अलिजेहची मुख्य भूमिका आहे. या चित्रपटासाठी आणि भाचीचे मनोधैर्य वाढविण्यासाठी सलमान इफ्फीच्या रेड कार्पेटवर दाखल झाला.

फर्रे शैक्षणिक क्षेत्रातील फसवणूक आणि गुंतागुंत यात डोकावतो. नियती नावाच्या अनाथ विद्यार्थीनीला शिष्यवृत्ती मिळाली आहे मात्र, तिच्याच श्रीमंत मित्रांमुळे ती एका मोठ्या फसवणुकीच्या रॅकेटमध्ये अडकते.