दाबोळी : आजच्या युवकांनी अमलीपदार्थाच्या (Addicted to Drugs) आहारी जाऊ नये यासाठी त्यांच्या कलेला वाव देणाऱ्या स्पर्धा आयोजित केल्या पाहिजेत. अमली पदार्थांना विरोध (Oppose) व चांगल्या पर्यटनाला (Good Tourism) वाव देण्याची गरज आहे, असे पंचायतमंत्री माविन गुदिन्हो यांनी सांगितले. बोगमाळो येथे एका कार्यक्रमात ते बोलत होते.

आंतरराष्ट्रीय पर्यटन दिनानिमित्त बोगमाळो येथे दाबोळी भाजपा युवा मोर्चातर्फे विविध स्पर्धांचे आयोजन करण्यात आले होते. घोषवाक्य लिहणे, पोस्टर तयार करणे, टाकाऊपासून टिकाऊ वस्तू तयार करणे आदी स्पर्धांना युवकांचा मोठा प्रतिसाद मिळाला.याप्रसंगी युवकांनी बोगमाळो किनाऱ्याची स्वच्छता केली. याप्रसंगी बोगमाळोचे उपसरपंच संकल्प महाले,दाबोळी मतदारसंघ प्रभारी जयंत जाधव, चिखलीचे सरपंच सेबी परेरा,सांकवाळचे सरपंच रमाकांत बोरकर,नगरसेवक विनोद किनळेकर, पंचसदस्य अरुण नाईक आदी उपस्थित होते.