मडगाव: कुंकळ्ळीचे भाजप मंडळ उपाध्यक्ष सुदेश भिसे यांनी बंड केले असून आज त्यांनी कुंकळ्ळीतून अपक्ष म्हणून उमेदवारी अर्ज भरला. अर्ज भरण्याची मुदत संपायला फक्त 15 मिनिटे बाकी असताना त्यांनी आपला अर्ज भरला. काल त्यांनी भाजप सदस्यत्वाचा राजीनामा दिला होता. (BJP vice president Sudesh Bhise contests as an independent for goa assembly election in Cuncolim)

भाजपचे BJP माजी आमदार राजन नाईक यांच्या पराभवानंतर कुंकळ्ळीत भाजप जिवंत ठेवण्याचा प्रयत्न आपण केला. त्यासाठी स्वतःचे पैसे खर्च करून लोकांची कामेही केली. मात्र असे असतानाही शेवटच्या क्षणी काँग्रेस Congress मधून भाजपात आलेले क्लाफास डायस यांना पक्षाने उमेदवारी दिली.

क्लाफास हे कुंकळ्ळीत Cuncolim Constituency जिंकून येऊ शकत नाहीत हे स्पष्ट झाल्याने लोकांनी मला उमेदवारी भरण्यासाठी आग्रह केला. त्यामुळेच आपण अर्ज भरला असे भिसे यांनी सांगितले.