पणजी: प्राणी कल्याण क्षेत्रात काम करणाऱ्या ‘पॉज’ या बिगर सरकारी संस्थेला बिग डॅडी कॅसिनोतर्फे 11,72,800 रुपयांची देणगी नुकतीच मान्यवरांच्या उपस्थितीत देण्यात आली. या देणगीसाठी बिग डॅडी कॅसिनोचे व्यवस्थापकीय संचालक लाखराम गोयल यांनी पुढाकार घेतला.

या देणगीचा धनादेश बिग डॅडी कॅसिनोचे संचालक पुनीत नारंग यांच्या हस्ते संस्थेच्या पदाधिकाऱ्यांकडे प्रदान करण्यात आला.

यावेळी पणजीचे महापौर रोहित मोन्सेरात, जेनिफर मोन्सेरात व संस्थेचे पदाधिकारी उपस्थित होते. पॉज संस्थेतर्फे मांजर, कुत्री यांची सुटका करणे, त्यांच्यावर उपचार करणे, निर्बिजीकरण, रॅबिजविरोधी लसीकरण आदी सेवाकार्य केले जाते. या देणगीमुळे या संस्थेला आवश्‍यक साधनसुविधांवर निधीचा वापर करता आला, असे प्रसिध्दी पत्रकात म्हटले आहे. या निधीचा वापर संस्थेच्या कार्यलयाच्या नूतनीकरणासाठी व स्टरलायजेशन शेडसाठी केला आहे.