पणजी: आरोग्य सेवा संचालनालयाच्या राष्ट्रीय क्षयरोग निर्मूलन उपक्रमातर्फे जागतिक क्षयरोग दिनानिमित्त 24 मार्च रोजी राज्यस्तरीय कार्यक्रमाचे गोवा चेंबर ऑफ कॉमर्स सभागृहात सकाळी 10 वा. आयोजन करण्यात आले. त्याआधी सकाळी 7.15 वा. सायकल रॅलीचे आयोजन करण्यात आले. आरोग्य संचालनालय ते दोना पावल येथून परत आझाद मैदान अशा अंतरासाठी ही सायकल रॅली काढण्यात आली.

सभागृहातील कार्यक्रमप्रसंगी आरोग्य संचालक डॉ.आयरा आल्मेदा प्रमुख पाहुणे म्हणून व डॉ. सियोना गोम्स हे सन्माननीय अतिथी म्हणून उपस्थित होते. राज्य क्षयरोग अधिकारी डॉ. मनिष गावणेकर यांनी उपस्थित मान्यवरांचे स्वागत केले. जागतिक क्षयरोग दिनाच्या संकल्पनेविषयी डॉ. आयरा आल्मेदा यांनी यावेळी माहिती दिली.

सायकल रॅलीत भाग घेतलेल्या 60 जणांना प्रमुख पाहुण्यांच्या हस्ते पदक प्रदान करून त्यांना गौरविण्यात आले. या कार्यक्रमाचे सूत्रसंचालन डॉ. गौरिश गांजेकर यांनी केले. औपचारिक क्षयरोग दिन कार्यक्रमावेळी प्रमुख पाहुणे म्हणून डॉ. रूफिन मोंतेरो उपस्थित होते. अन्न व औषध प्रशासन खात्याच्या संचालक डॉ. ज्योती सरदेसाई सन्माननीय अतिथी म्हणून उपस्थित होत्या.