Bicholim News :
डिचोली, यंदा मॉन्सून वेळेवर आणि दमदारपणे सक्रिय झाल्याने डिचोलीतील बळीराजा सुखावला आहे. पावसाच्या दमदार सुरवातीनंतर आता डिचोलीतील वेगवेगळ्या भागातील शेतकऱ्यांनी शेती कामाकडे लक्ष केंद्रित केले असून, बळीराजा हळूहळू शेतीत उतरू लागला आहे.
यंदा भात लागवडीची उद्दिष्टपूर्ती करण्यासाठी कृषी खातेही सज्ज झाले असले, तरी डिचोलीत अजूनही अनुदान तत्त्वावर देण्यासाठी भात बियाणे उपलब्ध झालेले नाही, अशी माहिती मिळाली आहे.
सध्या मयेसह, साळ आदी काही भागात शेती नांगरणीची कामेही सुरू झाली आहे. सध्या होतेय, तशीच पर्जन्यवृष्टी होत राहिल्यास, पुढील आठवड्यापर्यंत शेती मशागतीच्या कामांना वेग येऊन तरवा पेरणीच्या कामे मार्गी लागण्याची शक्यता आहे. डिचोली हा कृषीप्रधान तालुका. तालुक्यातील साळ, मेणकुरे, धुमासे, लाटंबार्से, बोर्डे, मये, पिळगाव, नार्वेसह बहूतेक भागात दरवर्षी खरीप शेती लागवड करतात.
विभागीय कृषी कार्यालयाच्या कार्यक्षेत्रात डिचोलीत
१ हजार ३६८ हेक्टर शेतजमीन आहे. अधिकाधिक शेतजमीन खरीप भात लागवडीखाली आणण्याचे उद्धीष्ट्य ठेवण्यात आले आहे. त्यासाठी कृषी खाते सज्जही आहे. सध्या काही भागात ट्रॅक्टरद्वारे नांगरणीही करण्यात येत आहे. कृषी खात्यातर्फे ५० टक्के अनुदान तत्वावर भात बियाणे उपलब्ध करुन देण्यात येते. चालू आठवड्यापर्यंत शेतकऱ्यांना भातबियाणे उपलब्ध होणार आहे.
-दीपक गडेकर, कृषी अधिकारी, डिचोली.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.