Mumbai Goa Highway Accident Dainik Gomantak
गोवा

Arambol Accident: रस्त्यावरच्या खड्ड्यात पडला स्कूटरस्वार! भटवाडी-हरमलमधील नागरिक संतप्त; 'रास्ता रोको'चा दिला इशारा

Bhatwadi Arambol Accident: सार्वजनिक बांधकाम खात्याकडून कोणतीच कृती होत नसल्याच्या निषेधार्थ भटवाडी - हरमल परिसरातील युवकांनी रास्ता रोको करण्याचा इशारा दिला आहे.

Sameer Panditrao

Freak Accident Reported at Arambol Beach: भटवाडी येथील मुख्य रस्त्यावर पडलेल्या खड्ड्यांत काल रात्री एक स्कूटरस्वार पडून जखमी होण्याची घटना घडल्याने नागरिकांनी संताप व्यक्त केला. रस्त्यावर पडलेल्या खड्ड्यातील गुडघाभर पाण्यातून वाहने हाकणे कठीण होत आहे, अशी संतप्त प्रतिक्रिया वाहनचालक व्यक्त करीत आहेत.

या रस्त्याच्या दयनीय स्थितीबद्दल आवाज उठवून सार्वजनिक बांधकाम खात्याकडून कोणतीच कृती होत नसल्याच्या निषेधार्थ भटवाडी - हरमल परिसरातील युवकांनी रास्ता रोको करण्याचा इशारा दिला आहे.

सोमवारी (ता. १५) रात्री ८ च्या सुमारास स्कूटर त्या धोकादायक खड्ड्यात गेल्याने तोल जाऊन स्कूटरस्वार पाण्यात पडला. दुर्दैवाने जायबंदी होण्याची वेळ त्याच्यावर आली. कंत्राटदाराच्या चुकीमुळे पाणी रस्त्यावर साचून राहत असल्याने रस्त्यानजीकच्या मातीचा भराव काढणे तसेच पाणी जाण्यासाठी छोटे साकव उपसणे आवश्यक असल्याचे मत वाहनचालक यशोधर पेडणेकर यांनी सांगितले.

कालच्या संततधार पावसामुळे या भागातून वाहने चालविणे जिकिरीचे झाले आहे. गेल्या आठवड्यात पंचायतीने या रस्त्यावरील मोठा खड्डा बुजवला होता. मात्र, बांधकाम खात्याचा हलगर्जीपणा जीवावर बेतण्याची भीती ग्रामस्थांनी व्यक्त केली.

दोन दिवसांत रस्ता वाहतुकीस सुरळीत न केल्यास रास्ता रोको आंदोलन करण्याची गरज आहे, असे मत त्या वाड्यावरील युवकांनी संतापयुक्त सुरात व्यक्त केले.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Operation Sindoor: 'पोस्ट सोडून मुजफ्फराबादला पळा...', ऑपरेशन सिंदूरने थरारले पाकिस्तानी सैनिक; भारतीय लष्करप्रमुखांचा मोठा खुलासा

Viral Video: बर्फाचा डोंगर घेऊन निघाला...! स्कूटी चालकाची धोकादायक स्टंटबाजी, व्हिडिओ पाहून नेटिझन्सही हैराण; तुम्ही पाहिलाय का?

Anant Chaturdashi 2025 Wishes In Marathi: बाप्पा चालले आपल्या गावाला! अनंत चर्तुदशीनिमित्त नातेवाईकांना शेअर करा 'हे' खास WhatsApp Status

बिट्स पिलानीत 20 वर्षीय विद्यार्थ्याने आयुष्य का संपवले? समोर आले कारण Watch Video

Fake IAS Officer: मुख्यमंत्री-राज्यपालांसोबत फोटो, यूपी-बिहार ते गोवापर्यंत पसरले नेटवर्क, कोट्यवधींचा घातला गंडा; बनावट आयएएस अधिकाऱ्याचा पर्दाफाश

SCROLL FOR NEXT