Betul Bus Accident: भरधाव बसची धडक बसून वृद्धेचा मृत्यू झाल्याची घटना बेतुल येथून समोर आली आहे. रोझारिन्हा सिमोईस (वय ६४) असे मृत महिलेचे नाव आहे. अपघातानंतर सिमोईस यांना तातडीने जिल्हा रूग्णालयात दाखल करण्यात आले होते. तथापि, त्यांचा मृत्यू झाला.

पोलिसांनी बसचालक विलेश लोटलीकर (वय 37) याच्याविरोधात गुन्हा दाखल केला आहे. बेतूल येथून मडगावच्या दिशेने जाताना टंकावाडो येथे हा अपघात झाला. बसच्या धडकेने सिमोईस खाली पडल्या आणि बसच्या मागील चाकात आल्या. कुंकळ्ळीचे पोलीस निरीक्षक तुकाराम चव्हाण यांच्या मार्गदर्शनाखाली अधिक तपास करत आहेत.