बेळगाव - गोवा महामार्ग अवजड वाहतुकीसाठी बंद करण्यात आला आहे. उत्तर कन्नड जिल्हाधिकाऱ्याच्या वतीने याबाबत आदेश जारी करण्यात आले आहेत.

जिल्हाधिकाऱ्यांच्या आदेशानुसार, बेळगाव - गोवा महामार्गावर अनमोड आणि रामनगर दरम्यान अवजड वाहनांना बंदी घालण्यात आली आहे. सहाचाकी व त्यापेक्षा मोठ्या वाहनांना या मार्गावर जाण्यास बंदी असेल. महामार्गावर असलेले खड्यांमुळे महामार्ग धोकादायक झाल्याचे आदेशात म्हटले आहे. खबरदारी म्हणून महामार्ग अवजड वहनांसाठी बंद करण्याचा निर्णय घेण्यात आला आहे.

आदेशात दिलेल्या माहितीनुसार 30 सप्टेंबरपर्यंत आदेश लागू राहतील. या मार्गाचा अवलंब करणाऱ्या अवजड वाहनधारकांनी सूचनाची नोंद घ्यावी असे आवाहन जिल्हाधिकारी कार्यालयाने केले आहे.