पणजी: पाच दिवसांचा बँकिंग आठवडा लागू करावा आणि कामगिरीशी निगडित प्रोत्साहन भत्त्यामधील भेदभाव दूर करावा, या प्रमुख मागण्यांसाठी उद्या (शुक्रवार, ता. ११) देशभरातील बँक कर्मचारी संपावर जाणार आहेत. या संपाचा थेट परिणाम सर्व राष्ट्रीयीकृत आणि खासगी बँकांच्या सेवांवर होणार आहे.
हा संप केवळ सुट्टीसाठी नाही, तर द्विपक्षीय कराराच्या अस्तित्वासाठीचा संघर्ष आहे. २०१५च्या दहाव्या द्विपक्षीय करारात महिन्यातील दुसऱ्या आणि चौथ्या शनिवारी सुट्टी मान्य करण्यात आली होती. अकराव्या करारात उर्वरित दोन शनिवारही सुट्टी देण्याची शिफारस बँक व्यवस्थापनांनी मान्य करून केंद्र सरकारकडे पाठवली होती.
इंडियन बँक्स असोसिएशन आणि संघटनांनी त्यावर स्वाक्षरीही केली आहे. मात्र, सरकार अंमलबजावणी करत नाही. ११ सप्टेंबरनंतर मागण्या मान्य न झाल्यास २८ ते ३० सप्टेंबर तीन दिवसांचा संप आणि ऑक्टोबरमध्ये बेमुदत संप करण्याचा इशारा दिला आहे.
तोडगा निघणार?
उद्यापासून राज्यातील बँका पाच दिवस बंद राहणार आहेत. ११ सप्टेंबर हा संपाचा दिवस असेल. १२ रोजी दुसरा शनिवार, पुढे रविवार, तसेच सोमवार आणि मंगळवारी चतुर्थीनिमित्त बँकांचे कामकाज बंद राहणार आहे. त्यामुळे शुक्रवारपासून बँका पाच दिवस बंद असतील. उद्या संपावर तोडगा निघतो का, हेही स्पष्ट होईल.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.