Goa Accident Dainik Gomantak
गोवा

गोव्यात 'हॉलिवूड' स्टाईल अपघात! बांबोळीत कार हवेत उडून दुसऱ्या वाहनावर विसावली, काही काळ वाहतूक कोंडी

Goa Accident: बांबोळी उड्डाणपुलावर रविवारी दुपारी चार वाहनांचा विचित्र अपघात झाला. यात एक कार हवेत उडून दुसऱ्या वाहनावर जाऊन विसावली.

गोमंतक ऑनलाईन टीम

पणजी: बांबोळी उड्डाणपुलावर रविवारी दुपारी चार वाहनांचा विचित्र अपघात झाला. यात एक कार हवेत उडून दुसऱ्या वाहनावर जाऊन विसावली. त्यामुळे एखाद्या चित्रपटाचे चित्रीकरण सुरू आहे की काय, असे वाटत होते. या अपघातामुळे काही काळ वाहतुकीची मोठी कोंडी झाली होती.

या अपघातात उलटलेली कार एका पांढऱ्या रंगाच्या एसयूव्हीवर धोकादायक स्थितीत अडकली होती, त्यामुळे नाट्यमय दृश्य निर्माण झाले. यामुळे बघ्यांची गर्दी वाढली. परिणामी, बायपास रस्त्यावरही वाहने थांबल्याने वाहतूक कोंडी झाली होती.

मात्र, रविवार असल्याने वाहनांची संख्या तुलनेने कमी होती. वाहतूक पोलिस व आगशी पोलिस घटनास्थळी दाखल होऊन अपघातग्रस्त वाहने हटवून वाहतूक पूर्ववत करण्याचे काम केले. विशेष म्हणजे, या अपघातात चालकांना किरकोळ दुखापत झाल्याची माहिती मिळाली आहे.

वाहतूक कोंडी

वाहने हटविताना क्रेनचा वापर करण्यात आल्याने एक मार्ग बंद ठेवावा लागला. त्यामुळे वाहनांच्या लांबच लांब रांगा लागल्या होत्या. अपघाताचे नेमके कारण अद्याप समजू शकलेले नाही. या अपघाताची नोंद आगशी पोलिस स्थानकात करण्यात आली आहे.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Canada Shooting: कॅनडात रक्तरंजित थरार! शॉपिंग स्टोअरबाहेर भारतीय वंशाच्या जोडप्याची हत्या; परदेशात भारतीयांवर हल्ल्यांचे सत्र सुरुच

Maharashtrian Shepu Bhaji: शेपू आवडतो की नावडतो? या भाजीच्या प्रेमात पडाल, अशी आहे चवीची भन्नाट कहाणी

Gossip Culture: गॉसिप्स अर्थात रिकामटेकड्यांच्या उचापती; गोड बोलून गुपिते काढणाऱ्यांपासून सावध राहा!

'आता उठवू सारे रान...' मुलांना मोबाईलच्या विळख्यातून बाहेर काढण्याची वेळ आली!

Women Under 23 Cricket: 54 धावांत गोव्याचा डाव आटोपला; बडोद्याकडून 95 धावांनी पराभव, स्पर्धेतील आव्हान संपले

SCROLL FOR NEXT