कळंगुट: बागा - हडफडे परिसरात बेकायदा नाईट क्लब कार्यरत असल्यामुळे त्या क्लबशी संबंधित दलालांची परिसरात मनमानी सुरू आहे. गोवन नाईट क्लब नावाने कार्यरत असलेल्या येथील क्लबमुळे परिसरातील कायदा व सुव्यवस्था बिघडली जात असल्याने हणजुण पोलिस तसेच पर्यटन खात्याकडून त्या क्लबवर तात्काळ कारवाई करण्यात यावी, अशी मागणी नागवा - हडफडे पंचायतीचे सरपंच रोशन रेडकर यांनी केली आहे.

ॲरनेस्टीना परेरा या महिलेकडून चालवण्यात येत असलेला येथील गोवन नाईट क्लब पूर्णपणे बेकायदा असून परेरा यांच्यापाशी संबंधित नाईट क्लब संबंधात कुठल्याही प्रकारची कायदेशीर कागदपत्रे नसल्याचे सरपंच रोशन रेडकर यांनी सांगितले.

दरम्यान, क्लबशी संबंधित परप्रांतीय दलालांच्या मनमानी वृत्तीमुळे परिसरातील महिला व मुलींच्या जीविताला धोका निर्माण होऊन बसल्याने हणजुण पोलिसांनी याबाबतीत तत्काळ कठोर कारवाई करण्याची मागणी सरपंच रोशन रेडकर यांनी केली आहे.