मडगाव: सेपेकटॅकरो फेडरेशन ऑफ इंडियाच्या अध्यक्षपदी गोव्याचे माजी उपमुख्यमंत्री बाबू कवळेकर यांची बिनविरोध निवड झाली. कोलकाता येथे झालेल्या बैठकीवेळी ही निवड करण्यात आली. कवळेकर हे संलग दुसऱ्यांदा या फेडरेशनचे राष्ट्रीय स्तरावरील अध्यक्ष झाले आहेत. याबाबत कवळेकर यांचे अभिनंदन करण्यात आले आहे.

(Babu Kawlekar elected unopposed as president of Sepektakaro Federation of India)

1998 साली सर्वप्रथम सेपेकटॅकरो या खेळात प्रसार करण्याच्या कामात कवळेकर यांनी भाग घेतला. तेंव्हापासून सातत्याने कवळेकर यांनी खेळाडूंना प्रोत्साहन दिले. अनेक गोमंतकीय खेळाडू राष्ट्रीय व आंतरराष्ट्रीय स्तरावर पोहचले आहेत.

राष्ट्रीय व राज्य स्तरावर सिनियर, ज्युनिअर व सब- ज्युनिअर स्पर्धा आयोजित करीत असताना आज हा खेळ गोव्याबरोबर देशातील सर्व विद्यालयात पोचवण्यासा कवळेकर यशस्वी झाले आहेत. सपेकटॅकरो फेडरेशन ऑफ इंडिया ही मोठी प्रतिष्ठेची व महत्वाची राष्ट्रीय संस्था आहे. कवळेकर यांची निवड सपेकटॅकरो फेडरेशन ऑफ इंडियाच्या आमसभेत करण्यात आल्यानंतर कवळेकर यांनी सर्व पदाधिकाऱ्यांचे आभार मानले.