Govind Gaude & Ramesh Tawadakar  Dainik Gomantak
गोवा

Minister Govind Gaude: गावडे - तवडकर वादाला ऑडिओ क्लिपची फोडणी

Minister Govind Gaude: समाज माध्यमांवर पडसाद : गावडेंच्या राजीनाम्याची मागणी

दैनिक गोमन्तक

Minister Govind Gaude: मंत्री गोविंद गावडे आणि आदिवासी कल्याण संचालक दशरथ रेडकर यांच्यातील संभाषणाची ध्वनिफीत सार्वत्रिक झाल्यानंतर समाज माध्यमांवर त्याचे एकच पडसाद उमटू लागले आहेत.

या ध्वनिफितीतील आवाज हे गावडे व रेडकर यांचेच असल्याची पुष्टी नसली तरी त्यांच्या आवाजाशी मिळते जुळते असे हे आवाज असल्याने ते आवाज गावडे व रेडकर यांचे असल्याचे मानून अनेकांनी गावडे यांच्या राजीनाम्याची मागणी करणे सुरू केले आहे.

भाजपच्या मंत्र्याने एका ज्येष्ठ अधिकाऱ्याला उद्देशून अर्वाच्य भाषा वापरून त्यांची खरी संस्कृती दाखवून दिली असल्याची टिप्पणीही काहींनी केली आहे. ‘कापून काढू’ असे वाक्य या ध्वनिफितीत असल्याने कॉंग्रेसने पणजी पोलिसात धाव घेऊन मंत्र्याविरोधात गुन्हा नोंदवण्याची मागणी केली आहे.

खोतिगावातील एका वाड्यावरील संस्थांना कार्यक्रम करण्यासाठी 26 लाख रुपयांचे विशेष अनुदान गावडे यांनी मंजूर केले. प्रत्यक्षात ते कार्यक्रम झालेच नाहीत असा आरोप विधानसभेचे सभापती रमेश तवडकर यांनी केला. यामुळे या वादाला तोंड फुटले.

गावडे यांनी चौकशी करा असे प्रत्युत्तर दिले. विधानसभा अधिवेशन काळात या वादाचा विरोधकांकडून फायदा घेतला जाऊ नये म्हणून मुख्यमंत्री डॉ. प्रमोद सावंत, भाजपचे प्रदेशाध्यक्ष सदानंद शेट तानावडे यांनी या दोघांची बैठक घेतली.

वाद मिटला असे मुख्यमंत्री व तानावडे यांना काल वाटले होते. मात्र, त्या बैठकीत गावडे यांच्या सैल बोलण्याचा एक नमुना म्हणून एक ध्वनिफीत वाजवण्यात आली होती. ती ध्वनिफीत गोमन्तक टीव्हीच्या हाती लागताच ती वाजवण्यात आली. त्यामुळे राज्यभरातील जनतेला हा विषय पुरता समजला.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Super Cup: सुपर कपचा बिगुल! 25 ऑक्टोबरपासून रंगणार थरार; FC Goa समोर विजेतेपद राखण्याचे खडतर आव्हान

Goa Taxi: 'टॅक्‍सी ॲग्रीगेटर जबरदस्तीने लादणार नाही'! गुदिन्‍होंची हमी; सरकारकडे सुमारे 3500 सूचना, हरकती

Panaji: ‘बोर्डवॉक’ची पणजी महानगरपालिका दुरुस्ती करणार? 2 वर्षांपासून दुर्दशा; धोका असूनही नागरिकांचा वावर

Chandel Hasapur: सरपंचालाच मिळाली सरकारी नोकरी, पदासह दिला पंच सदस्यत्वाचा राजीनामा; चांदेल हसापूरमध्ये रंगणार रस्सीखेच

Goa ITI: ‘आयटीआय’ करणाऱ्यांसाठी खूशखबर! 2 वर्षांच्‍या कोर्सनंतर मिळणार दहावी, बारावी उत्तीर्ण प्रमाणपत्र; मुख्‍यमंत्र्यांची घोषणा

SCROLL FOR NEXT