निवडणूक आयोगाच्या आजच्या पत्रकार परिषदेनंतर उत्तर प्रदेश, पंजाब, मणिपूर, गोवा आणि उत्तराखंडमध्ये निवडणुकीचे बिगुल वाजले. निवडणूक आयोगाने आज पाच राज्यांच्या विधानसभा निवडणुकांच्या तारखा जाहीर केल्या. यासह, राज्यांमध्ये अधिसूचना लागू झाली. गोव्यात एका टप्प्यात निवडणुका घेण्याची घोषणा निवडणूक आयोगाने (Election Commission) केली आहे. राज्यात 14 फेब्रुवारीला मतदान होणार आहे. त्याचबरोबर पाच राज्यांतील मतमोजणी 10 मार्च रोजी होणार आहे. 28 जानेवारीला अर्ज करण्याची शेवटची तारीख आयोगाने जाहीर केली आहे. 29 जानेवारी उमेदवारांचे अर्ज पडताळणी होणार आहे. तर 31 जानेवारीला उमेदवारी अर्ज मागे घेण्याची मुदत देण्यात आली आहे.

40 जागांच्या गोवा (goa) विधानसभेचा (Assembly) कार्यकाळ 15 मार्च रोजी संपत आहे. राज्यातील शेवटच्या विधानसभा निवडणुका फेब्रुवारी 2017 मध्ये झाल्या होत्या. यावेळी केवळ काँग्रेस आणि भाजपच नाही तर ममता बॅनर्जींची टीएमसी आणि अरविंद केजरीवाल यांची आम आदमी पार्टीही जोरदार प्रयत्न करत आहे.