Asgaon Goa Dainik Gomantak
गोवा

Goa Asgaon: निलंबित पोलिसांची चौकशीच नाही; एसआयटी करते काय?

Asgaon House Demolition Case: मुख्य सूत्रधार पूजा शर्माला समन्स बजावण्यासाठी गोवा पोलिसांची कसरत

गोमन्तक डिजिटल टीम

आसगाव येथील प्रदीप आगरवाडेकर यांचे घर मोडतोड प्रकरणाचा तपास करणाऱ्या एसआयटीने अटक केलेल्या बाऊन्सर्सना जामीन मिळाला आहे. या प्रकरणात निष्काळजीपणा केल्याच्या आरोपाखाली निलंबित केलेल्या पोलिस अधिकाऱ्यांची अद्याप चौकशीच केलेली नाही.

मुख्य सूत्रधार पूजा शर्माला समन्स बजावूनही पोलिसांना तिचा शोध घेण्यात यश आलेले नाही. निलंबित निरीक्षकाने महासंचालकांविरुद्ध केलेल्या आरोपांचीही शहानिशा करण्यात चालढकलपणा सुरू आहे. त्यामुळे या एसआयटीच्या तपासकामाबाबतच प्रश्‍नचिन्ह निर्माण झाले आहे.

हणजूण पोलिसांकडून या प्रकरणात झालेल्या हलगर्जीपणाची चौकशी मुख्य सचिव करत आहेत. या चौकशीअंती हणजूण पोलिस निरीक्षकांसह तिघांना तडकाफडकी सेवेतून निलंबित केले होते.

हे प्रकरण क्राईम ब्रँचकडे दिल्यावर निलंबित हणजूण निरीक्षक हे दस्तावेज सुपूर्द करण्यासाठी आले होते. त्यानंतर त्यांना चौकशीसाठी बोलावलेले नाही. या प्रकरणातील पोलिसांची भूमिका तपासून पाहण्यासाठी आवश्‍यकता भासल्यास त्यांना बोलावण्यात येणार आहे.

जो अहवाल मुख्य सचिवांना निलंबित निरीक्षकांनी दिला आहे, तो मिळविण्यासाठी एसआयटीचे प्रयत्न सुरू आहेत. या अधिकाऱ्यांना चौकशीस बोलावण्यापूर्वी पूजा शर्मा हिची कोठडीतील चौकशीची गरज आहे, अशी माहिती सूत्रांनी दिली.

सिंग यांची बदली लांबणीवर?

सध्या विधानसभा अधिवेशन जवळ आल्याने पोलिस महासंचालक जसपाल सिंग यांची बदली लांबणीवर पडण्याची शक्यता आहे. पोलिस महानिरीक्षकांना गोव्यात बोलावले असले तरी ते आठवडा उलटून गेले तरी परतलेले नाहीत.

गोवा पोलिस बजावणार तिसऱ्यांदा समन्स

जमीन खरेदी केलेल्या पूजा शर्मा हिच्यामागे सध्या पोलिसांनी ससेमिरा लावला आहे. पोलिस तिला समन्स पाठवत आहेत; मात्र ती त्याला प्रतिसाद देत नाही. तिला तिसऱ्यांदा समन्स बजावण्यासाठी क्राईम ब्रँचच्या एसआयटीचे पथक काल मुंबईला गेले. मात्र, आजपर्यंत ते तिला बजावण्यात यश आलेले नाही. तिच्या मुंबईस्थित पत्त्यावर ती नसल्याने समन्स बजावण्यात अडचणी येत आहेत.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Goa Assembly Session: शिक्षकांच्या शैक्षणिक पात्रतेची पडताळणी होणार, अपात्र शिक्षकांना घरी पाठवणार; मुख्यमंत्र्यांची तंबी

Ganesh Festival 2025: गणेशोत्सवासाठी कोकणात जाणाऱ्या गणेशभक्तांना रेल्वेकडून मोठी भेट; 6 अतिरिक्त विशेष गाड्यांची केली घोषणा!

Sunburn Festival 2025: बरं झालं! सनबर्न गोव्याबाहेर गेल्यावर मंत्री नाईकांची प्रतिक्रिया; म्हणाले, आपली संस्कृती-परंपरा सुरक्षित राहील

Ravichandran Ashwin: 'तुम्ही जे पेराल ते उगवेल'! स्टोक्सच्या 'मस्करी'ला अश्विनचे सडेतोड उत्तर; जाणून घ्या नेमके प्रकरण?

Numerology: जन्मतारखेत दडलेय 'कर्माचे फळ'; या तारखांना जन्मलेल्यांना संघर्ष आणि यशासाठी वाट का पहावी लागते?

SCROLL FOR NEXT