Crime News : गोव्यातून भाडेपट्टीवरील वाहने खोटी ओळखपत्रे सादर करून ती चोरणाऱ्या टोळीचा काही दिवसांपूर्वी कळंगुट पोलिसांनी पदार्फाश केला होता. याप्रकरणी पोलिसांनी कोल्हापूरमधून संजय कलके (करवीर-कोल्हापूर) व सद्दाम जमादार (उचगाव-कोल्हापूर) या संशयितांना अटक केली. तसेच संशयितांकडून 5 दुचाक्यासह 1 चारचाकी असा 10 लाखांचा मुद्देमाल जप्त केला होता.

दरम्यान पोलिसांनी संशयितांची अधिक चौकशी केली असता आणखी 4 दुचाकी गोव्यातून आणल्याचे उघड झाले. आज पोलिसांनी या दुचाकी जप्त केल्या आहेत.

याबाबत अधिक माहिती अशी की, संशयितांनी बागा, कळंगुटमधून अ‍ॅक्टिव्हा स्कूटर व मारुती कार रेंटवर घेतली. मात्र, त्यांनी वाहने परत केली नाहीत. त्यांनी खोटे ओळखपत्र सादर केले होते. संशयित वारंवार आपली ठिकाणे बदल होते.

पोलिसांनी या उपलब्ध मोबाईल क्रमांक व वारंवार तांत्रिक पाळत ठेवत संशयितांचा माग काढला. पोलिसांनी संशयिताची चौकशी केली असता त्यांनी गोव्यातून 4 वाहने अशाच पद्धतीने चोरुन आणली होती.

कोल्हापूरमध्ये सुद्धा ते कर्जावर घेतलेल्या वाहनांची ओळख पटवून अशाप्रकारे वाहनांची विल्हेवाट लावायचे. संशयितांची अधिक चौकशी केली असता आणखी 4 दुचाकी गोव्यातून आणल्याचे उघड झाले. पोलिसांनी या दुचाकी जप्त केल्या आहेत.