Margao Fraud Case: खोटी ओळख सांगून पैशांची अफरातफर करण्याच्या घटना राज्यात सर्रास घडत असतात. अशीच घटना मडगावमध्ये घडली आहे. या प्रकरणात तब्बल 16 लाखांची फसवणूक करण्यात आली असून याबाबत सायबर क्राईम पोलिसही सक्रिय झाले आहेत.
असे आहे पूर्ण प्रकरण...
सादर गुन्हा हा मडगावमधील पंजाब नॅशनल बँकेच्या पाजीफोंड शाखेत घडला आहे. पैशांचा घोटाळा करणाऱ्या संशयित आरोपीने बँक कर्मचाऱ्यांना आपली खोटी ओळख सांगितली. आपण एका कंपनीचे डायरेक्टर असल्याचे सांगून आपल्या कंपनीचे व्यावसायिक बँक खाते या शाखेत असल्याचे त्याने सांगितले.
त्यानंतर त्याने आपल्या खात्यातील पैसे दुसऱ्या खात्यामध्ये RTGS हस्तांतरण करायचे असल्याचे बँक कर्मचाऱ्यांना सांगून यासाठी त्यांना प्रवृत्त केले. माहितीनुसार, आरोपीने कम्प्युटर डेटाबेस (resources) चा वापर करून तब्बल 16,42,104 रुपयांची फसवणूक केली आहे.
हा सर्व प्रकार लक्षात आल्यानंतर तेज नाईक यांनी याबाबत तक्रार दाखल केली आहे. याबाबत सायबर क्राईम पोलीसही काम करत असून आरोपीबाबत अधिक तपास सुरू आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.