पणजी: ‘ई-२०’ इंधनाच्या वापरामुळे वाहनांच्या इंजिनवर परिणाम होऊ शकतो आणि मायलेज कमी होऊ शकते. त्यामुळे नागरिकांनी नवीन पेट्रोल किंवा डिझेलची वाहने खरेदी करू नयेत.

गोव्यात आम आदमी पक्षाचे सरकार सत्तेवर आल्यास ५ दिवसांत ‘ई-२०’चा वापर बंद करू, अशी घोषणा ‘आप’चे राष्ट्रीय संयोजक अरविंद केजरीवाल यांनी केली.

‘ई-२०’ इंधनाची सक्ती का?

मोदी सरकारने ‘ई-२०’ इंधन सक्तीने लागू केले. त्यामुळे वाहनांचे मायलेज कमी झाले असून इंजिनशी संबंधित दुचाकींच्या बाबतीत मोठ्या प्रमाणात समस्या निर्माण झाल्या आहेत.

गोव्यातील सुमारे ४५ टक्के लोकांकडे कार आहेत, तर जवळपास ८६ टक्के लोकांकडे दुचाकी आहेत. त्यामुळे सुमारे ८५ ते ९५ टक्के वाहनांवर ‘ई-२०’ इंधनाचा परिणाम झाल्याचा दावाही केजरीवाल यांनी केला.