Goans In Canada: गोव्यात परदेशी महिलांवरील अत्याचार वाढल्याचा हवाला देत, कॅनडातील नागरिकांनी गोवा आणि दिल्लीत विशेष काळजी घेण्याचे आवाहन केले. पोलीस महासंचालकांनी राज्यात कॅनडाचे आरोप आणि नियमावली तथ्यहीन असल्याचे स्पष्ट केले.

दरम्यान, मुख्यमंत्री प्रमोद सावंत यांना कॅनडात वास्तव्यास असणारे गोव्यातील नागरिक सुरक्षित आहेत का? असा प्रश्न विचारण्यात आला.

खलिस्तान दहशतवादी निज्जर यांच्या हत्येवरुन कॅनडा आणि भारत यांच्यात सध्या वादाची ठिणगी पडली आहे. दोन्ही देशातील त्यांच्या नागरिकांसाठी नियमावली जाहीर करण्यात आली, गोव्यात परदेशी महिलांवरील अत्याचार वाढल्याचा हवाला कॅनडाने दिला आहे.

त्यामुळे गोवा आणि दिल्लीत कॅनडातील नागरिकांनी विशेष काळजी घ्यावी अशी सूचना करण्यात आलीय.

कॅनडात असणारे गोव्यातील नागरिक सुरक्षित आहेत का असा प्रश्न मुख्यमंत्री सांवत यांना अलिकडे विचारण्यात आला. कॅनडात राहणाऱ्या गोव्यातील लोकांबद्दल आम्ही केंद्र सरकारला कळविले आहे. अशी माहिती सावंत यांनी दिली.

दरम्यान, परदेशी महिला अत्याचाराबाबत कॅनडाने केलेला दावा तथ्यहीन असल्याचे स्पष्टीकरण गोव्याचे पोलीस महासंचालक जसपाल सिंग यांनी दिले आहे.

गोव्यात २०१५ साली कॅनडातील व्यक्तीविरोधात गुन्हा घडला होता, त्यानंतर त्या देशातील कोणत्याही नागरिकाविरोधात गुन्हा घडल्याची नोंद नाही. असेही जसपाल यांनी म्हटले आहे.