कुंकळ्ळी : लुईझिन फालेरो यांच्या बरोबर बंगालला जाऊन तृणमूल काँग्रेसची दोन फुले गोव्यात आणण्यात पुढे असलेले वेळळीचे आंतोनियो क्लोविस डी कोस्टा यांना पक्षाने एन्य वेळी उमेदवारी नाकारल्यामुळे क्लोविस यांचे समर्थक संतप्त झाले आहेत. संतप्त कार्यकर्त्यांनी क्लोविस यांच्या घरी बैठक घेऊन पक्षाच्या निर्णयावर आपल्या संतप्त भावना व्यक्त केल्या.

मात्र क्लिविस यांनी आपण पक्ष सोडणार नाही किंवा अपक्ष म्हणून निवडणुकीत (Election) उतरणार नसल्याचे स्पष्ट केले. आपण जर पक्ष सोडला तर आपल्यात व स्वार्थासाठी वारंवार पक्ष बदलणारे बेंजामिन सिल्वा व इतर दलबदलु राजकारण्यांत काय फरक उरला? आपण स्वछ राजकारण करण्यात राजकारणात आलो असल्याचे क्लोविस यांनी सांगितले.

आपल्याला उमेदवारी नाकारून काँग्रेस ते, सेवा गोवा, (Goa) बसेव गोवा ते अपक्ष व अपक्ष ते पुन्हा काँग्रेस असा प्रवास केलेले व काँग्रेसने उमेदवारी नाकारली म्हणून केवळ एक दिवसा पूर्वी तृणमूल (TMC) मध्ये आलेल्या बेंजामिन सिल्वा यांना पक्षात घेऊन पक्षाने आपल्यावर व कार्यकर्त्यावर अन्याय केल्याचे क्लोविस यांनी सांगितले आपण दोन महिने पक्षाचे कार्य मतदारसंघात पोहचविले पक्षा कडून अशा विश्वासघाताची अपेक्षा नव्हती आवण कार्यकर्त्यांच्या भावना पक्षच्या नेत्या पर्यत पोहचविणार असल्याचे क्लोविस यांनी सांगितले.