गोवा सरकारच्या जुन्या तिजोरीत घबाड सापडले असून, यात 2.234 किलो सोन्याचा वस्तू, दागिने, जुनी नाणी यांचा समावेश आहे.
मागील 32 वर्षापासून हे सरकारी तिजोरी उघडण्यात आली नव्हती, मिळालेल्या दुर्मिळ वस्तू संग्रहालयात ठेवल्या जाणार आहेत, अशी माहिती मुख्यमंत्री प्रमोद सावंत यांनी दिली.
मंत्रिमंडळाच्या बैठकीतील निर्णयाची माहिती देण्यासाठी आयोजित पत्रकार परिषदेत मुख्यमंत्री डॉ. प्रमोद सावंत यांनी याबाबत माहिती दिली. जुन्या सचिवालयामागील फझेंडा इमारतीत जुने लेखा संचालनालयाचे कार्यालय होते.
येथील एका तिजोरीत दुर्मिळ वस्तू ठेवण्यात आल्या होता. 1992 साली ही तिजोरी उघडण्यात आली होती त्यानंतर तब्बल 32 वर्षानंतर ही तिजोरी उघडण्यात आली त्यावेळी तिजोरीत दुर्मिळ आणि मैल्यवान वस्तू सापडल्या असल्याचे मुख्यमंत्री प्रमोद सावंत यांनी सांगितले.
तिजोरीत पाच हजार दुर्मिळ नाणी, 307 तांब्याची नाणी, अरेबिक कलाकुसर असलेली 814 नाणी, 1,746 अरेबिक नाणी, 1,026 तांब्याची, क्वीन व्हिक्टोरिया आणि किंग विल्यम यांची छाप असलेली 320 दुर्मिळ नाणी, दुर्मिळ चलनी नोटा, सोन्याचे तुकडे , दुर्मिळ सुवर्णालंकार यासह घरातील दुर्मिळ भांडी आणि इतर वस्तूंचा समावेश आहे.
मिळालेल्या दुर्मिळ वस्तू संग्रहालयात ठेवल्या जाणार आहेत, अशी माहिती मुख्यमंत्री प्रमोद सावंत यांनी दिली.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.