Goa Drugs Case : गोव्यात ड्रग्स माफियांचा सुळसुळाट जास्तच वाढला आहे. यामुळे गोव्यातील गुन्हेगारीच्या घटना थांबण्याचे नाव घेत नाहीत. ड्रग्सचा अवैधरित्या काळाबाजार करणाऱ्यांकडे गोवा पोलिस तसेच अबकारी खाते नेहमीच लक्ष ठेऊन आहे.

हरमलमध्ये टाकलेल्या छाप्यात पोलिसांनी ड्रग्सतस्करी करणाऱ्यांना ताब्यात घेतले आहे.

मिळालेल्या माहितीनुसार, हरमलमध्ये गुन्हे शाखेतर्फे टाकण्यात आलेल्या धडीत दत्ता नाथ (57, नेपाळ) याला अटक केली असून, त्याच्याकडून 930 ग्रॅम चरस जप्त केला आहे. जप्त केलेला माल जवळपास 3.72 लाख किमतीचा असल्याचे सांगण्यात येत आहे.

दरम्यान, बेतीम येथे अंमली पदार्थ विरोधी पथकाने छापा टाकून 2.5 लाख रुपयांचा 2.5 किलो गांजा जप्त केलाय. या प्रकरणी एका व्यक्तीला अटक करण्यात आलीय. ही व्यक्ती मूळ ओरिसा येथील असल्याची माहिती मिळतेय.