मडगाव: भ्रष्टाचार विरोधी पथकाच्या (ACB) वतीने कोकण रेल्वेच्या मडगाव पोलिस स्थानकावर सापळा रचण्यात आला होता. एसीबीने दोन अधिकाऱ्यांना लाच घेतल्याप्रकरणी मंगळवारी (२२ एप्रिल) पहाटे ४.३० वाजता ताब्यात घेतल्याची प्राथमिक माहिती समोर आली आहे. भ्रष्टाचार विरोधी पथकाच्या वतीने गुप्त पद्धतीने ही कारवाई करण्यात आली.
भ्रष्टाचार विरोधी पथकाच्या (ACB) वतीने मिळालेल्या तक्रारीच्या आधारे सोमवारी सायंकाळी चारच्या सुमारास मडगाव रेल्वे पोलिस स्थानकावर सापळा रचला होता. या सापळ्यात मडगाव रेल्वे पोलिस स्थानकाचे दोन पोलिस अधिकारी फसल्याचे समोर आले आहे.
यामध्ये पोलिस निरीक्षक सुनील गुडलर आणि कॉन्स्टेबल हुसेन यांना ताब्यात घेतल्याची माहिती मिळतेय. अधिकाऱ्यांनी पैसे मागितल्याची त्यांच्या विरोधात तक्रार करण्यात आली आहे. सुमारे बारा तास ही कारवाई सुरु होती. याप्रकरणी अधिक तपास सुरु आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.