Goa Budget 2023-24 गोवा अधिवेशनात आज मुख्यमंत्री प्रमोद सावंत यांनी अर्थसंकल्प सादर करताना पशुपालकांसाठी असलेल्या योजना सादर केल्या आहेत. यांजसोबत शेतकरी वर्गासाठीही किफायतशीर योजना जाहीर केल्या आहेत.

कृषी खात्यासाठी 277 कोटींची तरतूद असल्याची माहिती मुख्यमंत्री सावंत यांनी आज अधिवेशनात दिली. मुख्यमंत्री प्रगत शेतकरी योजना राबवण्यात येणार असून याद्वारा कृषी उत्पादनासाठी प्रोत्साहन देण्यात येणार आहे.

या योजनेअंतर्गत कृषी खात्यासाठी 277 कोटींची तरतूद करण्यात आली असून ड्रोन उत्पादकांशी सरकार भागीदारी करणार असल्याचे सांगण्यात आले आहे. तसेच या योजनेद्वारे कृषी उत्पादनासाठी प्रोत्साहन देण्यात येणार असून नारळ, काजू आणि तांदळाच्या आधारभूत किंमतीत वाढ करण्यात आली आहे.

आधारभूत किमती वाढवताना नारळाचा दर 12 वरून 15 रुपयांपर्यंत वाढला असून काजू 125 ते 150 रुपये आणि तांदूळ 20 ते 22 रुपये करण्यात आले आहे. शेतकऱ्यांना दर 20 हजार हेक्टरवर नाचणी बियाणांचे मोफत वाटप करण्यात येणार असल्याची माहितीही सावंत यांनी यावेळी दिली.