भारत (India) देशाच्या स्वातंत्र्य संग्रामाबरोबरच त्याच्या जडणघडणीत कॉग्रेस (Congress) पक्षाचा सिंहाचा वाटा आहे. भाजपकडून (BJP) हेतुपुरस्सर देशाचा इतिहास लपवण्याचा प्रयत्न चालला आहे. मागच्या विधानसभा निवडणुकीत (Assembly Elections) राज्यातील जनतेने भाजपला त्यांची जागा दाखवून दिली होती परंतु फसवेगीरीने त्यांनी सत्ता स्थापन केली.

मात्र यापुढील सरकार हे कॉग्रेसचेच बनणार असल्याचे प्रतिपादन सामाजिक कार्यकर्ते दत्ताराम पेडणेकर यांनी बादें -आंसगांव येथे केले. शिवोली कॉग्रेस गट समितीकडून बादें येथे आयोजित ध्वजारोहण सोहळ्यात पेडणेकर बोलत होते. कॉग्रेस सेवा दलाच्या समितीवर दताराम पेडणेकर यांची प्रभारी बाबी बागकर यांच्या उपस्थितीत नियुक्ती करण्यात आली.

व्यासपीठावर  प्रभारी बाबी बागकर, गटाध्यक्ष राजन घाटे, शिवोली महिला अध्यक्षा पार्वती नागवेंकर, युथ कॉग्रेसचे रोशन चोडणकर, जिल्हा कार्यकारिणीचे यश कोचरेकर, प्रिया राठोड तसेच  जैवविविधता विभागाचे मायकल डिसौझा आदी मान्यवर उपस्थित होते. शिवलीत व्यक्ती बदलून पाहिली मात्र विकासाचे नांव दिसत नाही आता कॉगेसशिवाय तरणोपाय नसल्याचे सांगितले. सुत्रसंचालन राजेश.कोचरेकर यांनी तर आभार प्रदर्शन मायकल डिसौझा यांनी केले.