सराकारी रूग्णवाहिकेतून साहित्य वाहतूक केली जात असतानाचा एक व्हिडिओ समोर आला आहे. कालपासून हा व्हिडिओ व्हायरल (Viral Video) होताना दिसत आहे. गोवा परवाना असलेल्या या रूग्णवाहिकेवर भारत सरकार असे लिहले आहे.

अत्यावश्यक सेवेत असलेली रूग्णवाहिका (Ambulance) साहित्य वाहतूक कशी करू शकते असा सवाल नागरिक उपस्थित करत आहेत.

याबाबत समोर आलेल्या व्हिडिओत GA 08 G 5072 या क्रमांकाची रूग्णवाहिका वस्तू वाहतूक करताना दिसत आहे. काही कर्मचारी रूग्णवाहिकेत काहीतरी साहित्य असेलल्या गोणी भरताना दिसत आहेत. रूग्णवाहिकेचे चालक त्यानंतर दार बंद करून रूग्णवाहिका तेथून घेऊन जातो असे व्हिडिओत दिसत आहे.

दरम्यान, ही रूग्णवाहिका आरोग्य खात्याची (Health Dept)) नाही तसेच, ती गोवा राज्य आरोग्य संचालनालयाच्या (Goa Health Department) अखत्यारीतील नाही. ही रूग्णवाहिका दक्षिण गोवा जिल्हाधिकाऱ्यांनी काणकोण येथील नवोदय विद्यालयाला दिली आहे. असा खुलासा आरोग्यमंत्री विश्वजीत राणे (Health Minister Vishwajit Rane) यांनी केला आहे.

आरोग्यमंत्री विश्वजीत राणे यांनी याबाबत ट्विट (Twitter) देखील केले आहे. लवकरात लवकर या रूग्णवाहिकेचा परवाना रद्द करण्यासाठी दक्षिण गोवा जिल्हाधिकारी (South Goa Collector) कार्यालयाला पत्र लिहले असल्याचे ट्विट आरोग्यमंत्री विश्वजीत राणे यांनी केले आहे.